 |
Ջեմալին Թբիլիսիում գնդակահարած Արտաշես Գևորգյանի գերեզմանի տեղը մինչև օրս հայտնի չէՋեմալի վրիժառու Արտաշես Գևորգյանի եղբոր թոռը՝ Վերգինե Գևորգյանը Ցեղասպանության թանգարանին է նվիրել Գևորգյանների անձնական իրերը, փաստաթղթեր, լուսանկարներ, սակայն Արտաշես Գևորգյանի իրերից ոչինչ չի պահպանվել: Նրան 1930-ականներին մեղադրել են կոլտնտեսությունը կողոպտելու մեջ և դատապարտել երեք տարվա ազատազրկման։ 1928 թվականին նա նամակ է գրել ՀԽՍՀ Չեկայի և Պետքաղվարչության նախագահին՝ խոստովանելով Ջեմալի սպանությունը։ Ավելի ուշ նրան մեղադրել են Լավրենտի Բերիայի դեմ ահաբեկչական գործողություն նախապատրաստելու մեջ։ Արտաշես Գևորգյանը գնդակահարվել է 1937 թվականի օգոստոսի 14-ի լույս 15-ի գիշերը։ Նրա մահվան վայրը և գերեզմանի տեղը մինչև օրս հայտնի չէ։ |
 |
Վերժինե Սվազլյանը պատրաստվում է արևմտահայերի թուրքալեզու բանահյուսության մասին նոր գիրք հրատարակելՀնագիտության և ազգագրության ինստիտուտի ընթերցասրահում գիտնականը ներկայացրել է 1955-2025 թթ․ իր գրի առած ու ձայնագրած նյութերը, որոնք վերաբերում էին արևմտահայոց բռնի թուրքախոս դարձնելուն Օսմանյան կայսրությունում և թուրքալեզու բանահյուսությանը: Հայատառ թուրքերեն գրականությունը եղել է բռնի իսլամացված ավելի քան կես միլիոն թրքախոս և հայերեն չիմացող հայերի հաղորդակցության միջոցը։ Այդ լեզվով են թարգմանվել համաշխարհային դասականների ու ժամանակի հայտնի հեղինակների գործեր։ |
 |
Ջահերով երթն անցկացվել է «Պայքարը շարունակվում է» կարգախոսով«Պայքարը շարունակվում է» կարգախոսը խորհրդանշում է հայ ժողովրդի անկոտրում կամքն ու արդարության համար մղվող աննահանջ պայքարը։ Ծիծեռնակաբերդի հուշահամալիրում Հայկազուն Սրբազանը փոխանցել է Ամենայն Հայոց Կաթողիկոսի օրհնությունը երթի մասնակիցներին: Սրբազան հայրը կոչ է արել հավատարիմ մնալ ինքնությանն ու վառ պահել ազգային հիշողությունը: |
 |
Հարության տոնը աշխարհումԱպրիլի 5-ին Հիսուս Քրիստոսի Սուրբ Հարության տոնը միավորեց աշխարհասփյուռ հայերին։ Մայր Տաճարում Պատարագ մատուցեց Ամենայն Հայոց Կաթողիկոսը։ Հայոց բոլոր եկեղեցիներում անցկացվեցին տոնախմբություններ: Աշխարհասփյուռ թեմերի բոլոր եկեղեցիներում ընթերցեցին Հայոց Հայրապետի զատկական պատգամը: Հայրապետական խոսքն ուղեցույց է հայրենիքից հազարավոր մղոններ հեռու ապրող հայ մարդու համար, նաև կոչ՝ անձնական կարողությունները ծառայեցնելու ազգային շահին: |
 |
Ընդհատված առաքելությունԶինված ուժերի հոգևոր սպասավորության ինստիտուտի գործունեությունը Պաշտպանության նախարարությունը փետրվարին դադարեցրեց: Կառավարությունն այդ որոշումը մեկնաբանեց որպես բանակի աշխարհիկացման և կրոնական կառույցներից տարանջատման քայլ։ Որքանո՞վ է ողջամիտ կառավարության այս պնդումը, իրականում ի՞նչ խնդիր էին լուծում բանակում հոգևորականները և ո՞րն էր պաշտպանության նախարարության այս որոշման իրական պատճառը։ |
 |
Մկրտիչ եպիսկոպոս Պռոշյանի գործով դատական նիստը անցկացվել է առանց տուժողներիԿարգալույծ Արամայիս Թոխմազյանը և Ստեփան Ասատրյանը չեն ներկայացել դատարան։ Մեղադրանքի համաձայն՝ Մկրտիչ Սրբազանը թեմի հոգևորականներին պարտադրել է մասնակցել վարչապետի դեմ կազմակերպված հավաքներին, իսկ 2021 թվականի ընտրությունների ժամանակ հրահանգել չքվեարկել իշխող ուժի օգտին։ Սրբազան հայրը մեղադրանքը չի ընդունում: Փաստաբաններն այն որակում են որպես քաղաքական հետապնդում: |
 |
Կառավարությունը կեղծիքով Արման Սարոյանին նշանակել է ներման հարցերի քննարկման հանձնաժողովի անդամԱրման Սարոյանը նշանակվել է «Ներման հարցերի քննարկման խորհրդակցական հանձնաժողովի» անդամ՝ որպես Հայաստանյայց Առաքելական Սուրբ Եկեղեցու ներկայացուցիչ։ Մայր Աթոռը հայտարարել է, որ նշանակումը կատարվել է առանց Հայ Առաքելական Եկեղեցու համաձայնության և խախտում է ՀՀ օրենսդրությունը։ Պետական կամ որևէ այլ կառույցում Հայաստանյայց Առաքելական Սուրբ Եկեղեցու ներկայացուցիչ կարող է նշանակվել միայն Մայր Աթոռ Սուրբ Էջմիածնի և Ամենայն Հայոց Կաթողիկոսի օրհնությամբ ու արտոնությամբ։ Իսկ կարգալույծ հռչակված Գևորգ եպիսկոպոսը լիազորված չէ և չի կարող ներկայացնել Հայոց Եկեղեցին ո՛չ կանոնական, ո՛չ իրավական և ո՛չ էլ բարոյական տեսանկյունից։ |
 |
Հավատավոր ժողովուրդն այսօր Վեհափառի շուրթերից կրկին լսել է կենարար ԱվետիսըՊատմության մեջ տեղի ունեցած մեծագույն հրաշքը` Քրիստոսի Հարությունը հազարավոր հայորդիների է բերում Մայր Աթոռ Սուրբ Էջմիածին: Այս օրը համընդհանուր ուրախության և վերածննդի տոն է։ Հավատավոր ժողովուրդը Մայր Տաճարում մասնակցում է հայրապետական պատարագի, ստանում Նորին Սրբության պատգամը և ևս մեկ անգամ հայրապետի շուրթերից լսում ՝ «Քրիստոս հարյավ ի մեռելոց» կենարար ավետիսը: |
 |
Վանաձորի Սուրբ Գրիգոր Նարեկացի առաջնորդանիստ մայր եկեղեցում տոնել են Հիսուսի Հարության տոնըՍուրբ Հարության Պատարագը մատուցել է թեմակալ առաջնորդ Տեր Հովնան եպիսկոպոս Հակոբյանը: Հավատացյալները սրբազան հոր հետ Տիրոջից օրհնություն են հայցել, որպեսզի Սուրբ Հարության կենարար շնորհով ամուր մնան իրենց հավատքի մեջ: Պատարագի ավարտին Սուրբ Գրիգոր Նարեկացի եկեղեցու բակում ժողովրդական երգ ու պարով է շարունակվել օրվա տոնական տրամադրությունը: Բակում տեղադրված տաղավարներում ներկայացվել են Հենրիկ Իգիթյանի անվան գեղագիտական ազգային կենտրոնի, թեմի «Տուն» սոցիալ-կրթական կենտրոնի սաների 7 վարպետների ձեռքի աշխատանքները: |
 |
Հայ Առաքելական Եկեղեցու զանգերն ավետել են Քրիստոսի հրաշափառ հարությունըՄայր Տաճարում Ճրագալույցի տոնական պատարագ է մատուցվել, որից հետո հայրապետական թափորը շարժվել է դեպի մոմավառության սրահ՝ Ս․ Հարության տոնի կենարար լույսը փոխանցելու հավատացյալներին: |
 |
Մայր Աթոռում ապաշխարողաց կարգ է կատարվելԱպաշխարության կարգը մեղքերից մաքրվելու հնարավորություն է: Այս կարգից հետո է, որ հավատացյալներն արժանի են դառնում սուրբ Հաղորդությանը։ Ովքեր ապաշխարությամբ են անցել Մեծ Պահքի շրջանը, վաղ առավոտյան՝ ժամը 7:30-ին գնում են եկեղեցի, որտեղ ժամերգության ավարտին կատարվում է ապաշխարողաց կարգ: Սաղմոսներով և շարականներով հարուստ այս գեղեցիկ արարողության ժամանակ հավատացյալներին արձակում է շնորհվում, որպեսզի քառասնօրյա պահեցողությունից հետո նրանք մոտենան սուրբ Հաղորդությանը: |
 |
Ավագ հինգշաբթին եկեղեցու ծիսակարգում ամենահագեցած օրն էՄայր Աթոռում առավոտյան ժամը 7:30-ին ժամերգություն և ապաշխարողաց արձակման կարգ է կատարվել, որից հետո սուրբ Պատարագ է մատուցել Հայր Դավիթը: Հենց ավագ հինգշաբթի Հիսուս հաստատեց սուրբ հաղորդության խորհուրդը։ Ավագ հինգշաբթին Մեծ պահքի այն եզակի օրերից է, երբ խորանի վարագույրը բացվում է, մատուցվում է բաց Պատարագ և հաղոր¬դու¬թյուն է տրվում: Հաղորդությունը Հայ առաքելական եկեղեցու գլխավոր խորհուրդներից է, քանի որ հենց դրա միջոցով են հաղորդվում Քրիստոսի մարմնին ու արյանը, ստանում կենդանարար սնունդ: |