«Եկեղեցական կյանք» լրատվական թողարկումը ներկայացնում է Հայ Առաքելական եկեղեցու գործունեությունը կրթական, մշակութային, հասարակական, առողջապահական և այլ ոլորտներում, անդրադառնում եկեղեցական տոներին, պատմում թեմերին կից գործող հասարակական կառույցների, երիտասարդական շարժումների, հայորդյաց տների գործունեության մասին: Ներկայացնում է Մայր Աթոռ Սուրբ Էջմիածնի հոգևոր ծառայությունը, Հայ եկեղեցու և հայ հավատացյալի համայնքային կյանքը հայրենիքում և արտասահմանյան թեմերում:
Պարբերականությունը՝ ամեն երկուշաբթի և ուրբաթ, ժամը 19:30-ին և 21:30-ին
Կրկնությունը՝ երեքշաբթի և շաբաթ, ժամը 08:00-ին և 10:30-ին
Հեռարձակվում է նաև Հայաստանի հանրային հեռուստատեսության արբանյակային ալիքով:
 |
Եկեղեցական կյանք 25.10.2024Այս թողարկման թեմաներն են՝ Մայր Աթոռում կայացել է Արևելյան ուղղափառ և անգլիկան եկեղեցիների միջազգային հանձնախմբի աշխատաժողովը |
 |
Եկեղեցական կյանք 21.10.2024Այս թողարկման թեմաներն են՝ Վորոնեժի մարզի վարչական կենտրոնում սկսել է գործել նորակառույց Սուրբ Սարգիս եկեղեցին |
 |
Եկեղեցական կյանք 14.10.2024Այս թողարկման թեմաներն են՝ Աղոթքի միասնության շաբաթվա աղոթքներն ու տեքստերը նախապատրաստվում են Մայր Աթոռում |
 |
Եկեղեցական կյանք 11.10.2024Այս թողարկման թեմաներն են՝ Սուրբ Վարվառայի մասունքը տարվել է Արայի լեռան ստորոտին գտնվող Ծաղկեվանք |
 |
Եկեղեցական կյանք 07.10.2024Այս թողարկման թեմաներն են՝ Վերաօծումից հետո կիրակնօրյա առաջին Պատարագն է մատուցվել Մայր Տաճարում |
 |
Եկեղեցական կյանք 04.10.2024Այս թողարկման թեմաներն են՝ Մայր Տաճարում պատարագ է մատուցել Բալթյան երկրների հայոց թեմի առաջնորդ Վարդան եպիսկոպոս Նավասարդյանը |
 |
Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի պատգամը Մյուռոնօրհնության արարողությանըՄյուռոնի օրհնությունից հետո Ամենայն հայոց կաթողիկոսը իր հայրական պատգամն է ուղղել ժողովրդին: Նորին սրբությունը հայ ժողովրդին մաղթել է, որ նոր մյուռոնը հոգևոր ուժ և վերհառնումի զորություն բերի: «Սիրելի բարեպաշտ ժողովուրդ, այս բարդ իրավիճակի կարգավորման գործում հիմնական պարտավորությունն ու պատասխանատվությունը մերն է, հարկ է համախմբվել, զերծ պահել հայրենի մեր երկիրը նոր ցնցումներից ու կորուստներից, փարատել ապագայի շուրջ առկա տագնապներն ու մտահոգությունները, վերատեսության ենթարկել սխալ ու ազգավնաս ընթացքները, առավել ամրապնդել Հայաստան-սփյուռք հարաբերությունները, ներքաղաքական կյանքում սկիզբ դնել առողջ երկխոսության և ելքի ուղիներ գտնել հայրենիքում մեր ժողովրդի ապահով ու անվտանգ կյանքի վերականգնման՝ մեզ ուղեկից դարձնելով արդարությունը, խիզախությունն ու ազնվությունը։ Այս պայմաններում առ Աստված ապավինությունն ու հույսը խարիսխ և զորություն են՝ մեզ պատուհասած արհավիրքներից վերհառնումի և զորեղ հայրենիքի կերտման։ Արդ, սիրելիներ, թող այս նոր մյուռոնը լինի հույսի և վերհառնումի մյուռոն, լուսաշող վկայություն ազգային ու հայրենական մեր կյանքը վերընձյուղելու վճռականության և ներքին ու արտաքին մարտահրավերների հաղթահարմամբ մեր բարօր գալիքը կառուցելու հաստատակամության»։ |
 |
Եկեղեցական կյանք 02.10.24Այս թողարկման թեմաներն են՝ Ամենայն Հայոց Կաթողիկոսը արծաթե սափոր է նվիրել ազգային բարերար Սամվել Կարապետյանին |
 |
Եկեղեցական կյանք 27.09.2024Այս թողարկման թեմաներն են՝ Ամենայն Հայոց Կաթողիկոսը նոր մյուռոնը բաշխել է Հայաստանի և սփյուռքի թեմերին |
 |
Սուրբ Էջմիածնի Մայր տաճարը պաշտոնապես վերաօծվել և վերաբացվել էՄիաբանական թափորը Ամենայն Հայոց Կաթողիկոսին ուղեկցել է դեպի Մայր Տաճար, որտեղ նորին սրբությունը կատարել է տաճարի ավագ սուրբ սեղանի օծման արարողությունը: Օծման արարողությունից հետո նորին սրբությունը Մայր տաճարի վերաօծման առթիվ պատգամ է ուղղել ժողովրդին: Տաճարի համալիր և հիմնարար նորոգումը կատարվել է 2012-ից մինչև 2024 թվականներին: |
 |
Հայ Առաքելական Եկեղեցու ամենակարեւոր արարողություններից մեկը՝ Սրբալույս Մյուռոնի օրհնությունըՄյուռոնօրհնության արարողությանը հոգևորականները դուրս են բերել Կենաց փայտի մասունքով խաչը, Սուրբ Գեղարդը, Սուրբ Գրիգոր Լուսավորչի աջը, Ցեղասպանության նահատակների մասունքարանը: Այս տարի դուրս են բերվել նաեւ Սուրբ Անանիա առաքյալի և Ղուկաս Ավետարանչի աջերը, Սուրբ Սահակ Պարթևի մասունքը: Մյուռոնի օրհնությունից հետո Ամենայն Հայոց Կաթողիկոսն իր հայրական պատգամն է ուղղել պատերազմի արհավիրքներ և կորուստներ կրած իր ժողովրդին և մաղթել, որ նոր մյուռոնը հոգևոր ուժ և վերհառնումի զորություն բերի: |
 |
Եկեղեցական կյանք 27.09.2024Այս թողարկման թեմաներն են՝ Աշտարակի Սուրբ Մարիանե եկեղեցում տոնական պատարագ է մատուցվել և Տիրոջ խաչափայտի Մասունքն է տարվել |