Օպերատոր Գևորգ Ավագյան

Դատախազությունը որսորդական զենքը ներկայացրել է որպես Սրբազան պայքարի գործին առնչվող ապացույց

Պաշտպանական կողմը հակադարձել է՝ հայտարարելով, որ զենքն օրինական է և Հայկ Շահնազարյանը որսորդմիության անդամ է։ Փաստաբանները փորձել են մեղադրողներից ճշտել՝ կա՞ որևէ փաստական տվյալ, թե օրինական կերպով պահվող այդ զենքն ինչպես է կապվում առաջադրված մեղադրանքի հետ։ Հանրային մեղադրողները պնդել են, որ ապացույցների վերաբերելիությունն ու փոխկապակցվածությունը մանրամասն կներկայացնեն իրենց եզրափակիչ ելույթում։

Հայոց ցեղասպանության ճանաչումը և հայ ժողովրդի իրավունքները

Վատիկանի գաղտնի արխիվի հետազոտության հիման վրա գրված՝ Միքայել Հեզեմանի «Հայոց ցեղասպանությունը» ուսումնասիրությունը լուրջ ազդակ դարձավ, որպեսզի 2016թ.-ին Գերմանիայի Դաշնային Հանրապետության Բունդեսթագն ընդունի Հայոց ցեղասպանությունը դատապարտող բանաձև: Այժմ քննարկվում են ԳԴՀ-ում ժխտողականությունը քրեականացնելու, դասագրքերում Հայոց ցեղասպանության թեման ներմուծելու և այլ թեմաներ: Տասնամյակների ի՞նչ աշխատանք է ընկած այս գործընթացների հիմքում, որոնք իրականացնում են Սփյուռքի հայկական կառույցները: Որքանո՞վ է ազդում այդ աշխատանքի վրա Հայաստանի կառավարության վարած քաղաքականությունը: Աննա Սարգսյանը զրուցել է պատմաբան, Գերմանիայի «Հայ ակադեմիականների միություն-1860» կազմակերպության նախագահ Ազատ Օրդուխանյանի հետ:

Հայ Առաքելական Եկեղեցին նշել է Կաթողիկե Սուրբ Էջմիածնի տոնը

Գարեգին Երկրորդ Ամենայն Հայոց Կաթողիկոսի հանդիսապետությամբ մատուցվեց Սուրբ և Անմահ Պատարագ։ Վեհափառ Հայրապետը, եկեղեցականներն ու հավատացյալները աղոթել են Մայր Աթոռ Սուրբ Էջմիածնի անսասանության և հավետ պայծառության համար։ Հայրապետական մաղթանքի հնչյունների ներքո Գարեգին Երկրորդ Ամենայն Հայոց Կաթողիկոսը օրհնություն է բաշխել Կաթողիկե Սուրբ Էջմիածնի տոնի առթիվ Մայր Աթոռում հավաքված մարդկանց:

Ամենայն Հայոց Կաթողիկոսն ընտրել է Էջմիածնի 14/11 ընտրական տեղամասում

Նորին Սրբությունն ընտրատեղամաս է ժամանել Մայր Աթոռի Սուրբ Էջմիածնի միաբանների ուղեկցությամբ։ Ընտրությունից հետո Ամենայն Հայոց Հայրապետը պատասխանել է ընտրատեղամասի մոտ հավաքված լրագրողների հարցերին:

Սյունիք. Խոտ

Սահմանամերձ Խոտ գյուղը, ինչպես և հարևան Շինուհայրն ու Հալիձորը, հիմնվել է հին բնակավայրի տեղափոխման արդյունքում: Կենցաղային տարրական պայմանների բացակայության պատճառով՝ 1960-ականներին խորհրդային ղեկավարության որոշմամբ գյուղը տեղափոխվեց, և մարդիկ թողեցին իրենց պապենական տները: Տաթև տանող ճանապարհին մոտ լինելու շնորհիվ՝ Խոտում, սահմանամերձ մյուս բնակավայրերի համեմատ, նկատելի աշխուժություն կա:

Արժեքներ և ընտրություններ

Ինչո՞ւ է այսօր մեր պետականությունը գոյաբանական սպառնալիքի առջև, ո՞վ է դրա շահառուն: Ինչո՞ւ է քաղաքական իշխանությունը հատում բարոյականության նորմերը: Աննա Սարգսյանը զրուցել է իրավաբան Տարոն Սիմոնյանի հետ:

Դատարանը Բագրատ արքեպիսկոպոսի կալանքը փոխել է տնային կալանքի

Բագրատ Սրբազանի կալանքը տնայինի փոխելու լուրն անակնկալ է եղել դատական նիստի մասնակիցների և Սրբազանի համար, քանի որ դեկտեմբերին նույն դատավորը մերժել էր խափանման միջոցի փոփոխությունը: Հատկանշական է, որ պայքարի մյուս բոլոր անդամներն արդեն ամիսներ շարունակ գտնվում են տնային կալանքում կամ նրանց նկատմամբ կիրառված է վարչական հսկողություն։ Փաստաբանները պնդում են, որ այս գործը հարուցվել է քաղաքական նպատակով, որի գլխավոր խնդիրն էր կասեցնել «Տավուշը հանուն հայրենիքի» շարժման ընթացքը: Գործով հաջորդ դատական նիստը նշանակվեց հունիսի 11-ին, ժամը 15․30-ին:

Սյունիք. Բարձրավան

Մայր Աթոռի մատենադարանում տեղի է ունեցել միանգամից մի քանի գրքերի շնորհանդես

Հատուկ շնորհանդեսին մասնակցելու համար Գերմանիայից ժամանել է պատմաբան, հետազոտող Միքայել Հեզեմանը, որը տարիներ առաջ Վատիկանի արխիվներում գտել էր Հայոց ցեղասպանությանը վերաբերող և մինչ այդ անհայտ հազարավոր վավերագրեր: Պատմաբան Ավետիս Հարությունյանի «Հայ գաղթականությունն Առաջին աշխարհամարտի տարիներին և Հայ Առաքելական Սուրբ Եկեղեցին» աշխատությունը բացահայտում է հայոց ցեղասպանությունից հետո հայ գաղթականության պատմությունը՝ 1915-17 թվականներին: Արմինե Տիգրանյանի ուսումնասիրությունը վերաբերում է Ադրբեջանի կողմից Արցախի մշակութային ժառանգության ոչնչացման գործընթացին։ Արարատ քահանա Պողոսյանի գիրքը պատմում է 16-17-րդ դարերի հայ ազատագրական պայքարի և այդ պայքարում սուրբ Էջմիածնի դերի մասին: Գրքերը հրատարակվել են Ամենայն Հայոց Կաթողիկոսի անմիջական հոգածությամբ:

Հայ Առաքելական Եկեղեցին նշել է Արագածոտնի թեմի հիմնադրման 30-ամյակը

Արագածոտնի թեմի հիմնադրման 30-ամյակն Օշականի Սուրբ Մեսրոպ Մաշտոց եկեղեցում նշել են առանց առաջնորդի ներկայության։ Մկրտիչ եպիսկոպոս Պռոշյանը 2025 թվականի հոկտեմբերից շինծու գործով անազատության մեջ է, նրա նկատմամբ այժմ կիրառված է վարչական հսկողություն, սահմանափակված է թեմի հոգևոր դասի հետ շփումը։ Առաջնորդի պարտականություններն ու լիազորությունները վերապահված են թեմական խորհրդին՝ ատենապետությամբ Շնորհք աբեղա Պալոյանի։ Սուրբ Պատարագի ընթացքում Աշտարակի Սուրբ Սարգիս եկեղեցու հոգևոր հովիվ Տեր Մկրտիչ քահանա Երանյանը ընթերցեց Գարեգին Բ Ամենայն Հայոց Կաթողիկոսի օրհնության խոսքը՝ թեմի հիմնադրման 30-ամյակի առիթով: